Gürcüstan prezidenti Azərbaycan səfiri ilə vidalaşıb

Gürcüstan prezidenti Salome Zurabişvili Azərbaycanın Gürcüstandakı fövqəladə və səlahiyyətli səfiri Dursun Həsənovu səlahiyyət müddətinin başa çatması ilə əlaqədar qəbul edib.

InterPress.ge xəbər verir ki, bu barədə S. Zurabişvili özünün Twitter hesabında paylaşım edib.

Prezident ölkələr və xalqlar arasında əlaqələrin dərinləşməsində xidmət etdiyi üçün səfir Dursun Həsənova təşəkkür edib və ona gələcək fəaliyyətində uğurlar arzulayıb.