Tina Bokuçava: Ölkə daxilində və xaricində hamımız razıyıq ki, ölkənin taleyi bu seçkilərdə həll olunur

“Ölkə daxilində və xaricində hamımız razıyıq ki, bizim ölkəmizin taleyi bu seçkilərdə həll olunur. “Milli Hərəkat”ın mövqeyi ictimaiyyətə məlumdur, bizim üçün qələbənin həqiqi düsturu avropayönlü qüvvələrin birləşməsində mövcuddur”.

InterPress.ge xəbər verir ki, bu barədə “Milli Hərəkat”ın sədri Tina Bokuçava bildirib.

“Ən qüclü müxalifət partiyası olaraq biz bu birliyi yaratmağa çox can atırıq. Bilirsiniz ki, bu mövzuda hələ də müzakirələr aparılır. Ümid edirəm ki, bu gün onların müəyyən skeptik münasibətləri olsa da, sonunda digər müxalifət partiyaları da məhz bu qələbə yolunu seçəcəklər”, – deyə Tina Bokuçava bildirib.