2024 -cü ildə Gürcüstanın qaragilə ixracı artıb

Hal-hazırki göstəricilərə əsasən, Gürcüstandan 11,4 milyon ABŞ dolları dəyərində qaragilə ixrac edilib.

InterPress.ge xəbər verir ki, bu barədə Ətraf Mühitin Mühafizəsi və Kənd Təsərrüfatı Nazirliyi məlumat yayıb.

Onların məlumatına görə, 2024-cü il mayın 1-dən iyunun 16-dək artıq 1,8 min ton qaragilə ixrac edilib.

“Gürcüstandan qaragilə ixracında artım tendensiyası var. 2024-cü il mayın 1-dən iyunun 16-dək dəyəri 11,4 milyon ABŞ dolları təşkil edən 1,8 min ton qaragilə artıq ixrac edilib.

Ötən ilin müvafiq dövrü ilə müqayisədə ixrac edilən qaragilələrin həcmi 1,4 min ton (4,5 dəfə), dəyəri isə 8,7 milyon ABŞ dolları (4,2 dəfə) artıb”, - məlumatda deyilir.