Marneuli idman məktəbinin qızları Batumidə idman akrobatikası üzrə turnirdə iştirak ediblər

Batumi şəhərində idman akrobatikası üzrə Tengiz Bolkvadze adına turnir keçirilib.

InterPress.ge xəbər verir ki, turnirdə Marneuli bələdiyyəsinin idman məktəbinin qızları uğurla çıxış edərək bir qızıl və iki bürünc medal qazanıblar.

Keçirilən turnirdə ilk böyüklər sırasında birinci yeri Mziko Qiorqadze və Anaxanım Əliyeva tutublar.

Natia Oganezova, Annamaria Oganezova və Əminə İbrahimova isə üçüncü yer tutublar.

İkinci böyüklər sırasında isə İnci Hacıyeva və Aylin Həsənova üçüncü yer tutaraq turniri başa vurubar.

Qızların şəxsi məşqçisi isə İnessa Rodinadır.

Qeyd edək ki, qalib və mükafatçılar müvafiq keyfiyyətdə medal və diplomlarla təltif olunublar.