Sabahın hava proqnozu açıqlandı - Güclü külək gözlənilir

İyunun 26-da Acarıstan, Quriya, Sameqrelo-Zemo Svaneti, İmereti, Raça-Leçxumi, Kvemo Svaneti və Samtsxe-Cavaxeti bölgələrində güclü yağış yağacağı, şimşək çaxacağı, dolu düşəcəyi proqnozlaşdırılır.

InterPress.ge xəbər verir ki, Milli Ətraf Mühit Agentliyi xəbərdarlıq edib.

Gürcüstanın əksər ərazilərində güclü qərb küləyi əsəcək, gün ərzində Gürcüstanın şərqində, o cümlədən paytaxtda arabir çox güclü külək əsəcək.

Gözlənilən yağıntılar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq və yamaclıq ərazilərdə sürüşmələrin başlamasına və aktivləşməsinə səbəb ola bilər (risk səviyyəsi yüksəkdir).