Bolnisidə Ədalət Çobanovun avtomobilinə silahlı basqın edilib

Bolnisi bələdiyyəsinin Zemo Bolnisi kəndində yaşayan Ədalət Çobanovun avtomobilinə silahlı basqın edilib. 

InterPress.ge xəbər verir ki, hadisə dünən gecə saatlarında baş verib. 

Onun yaxınlarının “Mtavari Arxi” telekanalına verdiyi məlumata görə, silahlı şəxslər maşına 60-a yaxın atəş açıb, lakin 20-dən çox güllə maşına dəyib. Maşının sahibinin hadisə yerini sağ-salamat tərk etdiyi məlum olub. 

Hüquq-mühafizə orqanlarının əməkdaşları hadisə yerinə səfərbər edilib və araşdırmalara başlanılıb.