Gürcüstan millisi vətənə qayıdıb - futbolçuları hava limanında azarkeşlər alqışlarla qarşılayıblar

Gürcüstan millisi debüt Avropa çempionatından vətənə qayıdıb. Futbolçular Tbilisi Beynəlxalq Hava Limanında azarkeşlər tərəfindən alqışlarla qarşılanıb. Azarkeşlər “sağ ol”, “Gürcüstan” şüarları səsləndiriblər.

InterPress.ge xəbər verir ki, azarkeşlər bayraqlar və komanda formaları ilə səhər saatlarından hava limanına gediblər. 

Qeyd edək ki, bu gün saat 21:30-da milli komandanın avtobusunun yürüşü başlayacaq - avtobus Çavçavadze, Melikişvili və Rustaveli prospektləri istiqamətində hərəkət edəcək və son dayanacaq Azadlıq meydanı olacaq. Milli komandanın üzvləri ilə görüş mərasimi Azadlıq meydanında saat 22:00-da başlayacaq.