Hacı Hacıyev: “Təbii fəlakətdən zərər çəkən bələdiyyələrə milyonlarla lari ayırdılar, lakin Marneuliyə bəhanələr gətirdilər”

İmamcümə Hacı Hacıyev Marneulidə su problemləri və yolların pis vəziyyətdə olması ilə bağlı açıqlama verib.

InterPress.ge xəbər verir ki, bu barədə o, cümə xütbəsində danışıb.

Onun sözlərinə görə, təbii fəlakətdən zərərçəkən digər bələdiyyələrə milyonlarla yardımlar ayrılıb, ancaq müxtəlif bəhanələrlə Marneuli yardım alan bələdiyyələr siyahısında deyil. Həmçinin qeyd edib ki, Marneuli Kvemo Kartilinin ən böyük və ən aktiv bölgələrindən biridir, lakin dövlət himayəsindən kənardadır. Yolların da pis vəziyyətdə olduğunu qeyd edən Hacı Hacıyev su probleminə də toxunub. Onun dediyinə görə, Marneulili vətəndaşlar su problemlərindən gileylənirlər və bu problemin tez bir zamanda həllini tapması lazımdır.