Sabahdan onkoloji xəstələr müxtəlif müalicələr üçün lazım olan dərmanları birbaşa tibb müəssisələrində ala biləcəklər

Onkoloji xəstələr üçün dərmanların qəbulu asanlaşır, çünki əvvəllər dərman resepti üçün klinikaya gəlməli, sonra onları aptekdən almalı və tibbi prosedur üçün yenidən klinikaya qayıtmalı idilər.

InterPress.ge xəbər verir ki, bu barədə Səhiyyə naziri Mixail Sarjveladze məlumat verib.

Onun sözlərinə görə, sabahdan etibarən onkoloji xəstələr müxtəlif müalicələr üçün lazım olan dərmanları birbaşa tibb müəssisələrində ala biləcəklər.

“Sözügedən yenilik pasiyentin maraq və hüquqlarının müdafiəsi standartının təkmilləşdirilməsi istiqamətində atılan növbəti addımdır və bu istiqamətdə işlər fəal şəkildə davam etdiriləcək", - deyə nazir brifinqdə deyib.