“Mtavari Arxi” nin çəkiliş qrupu hücuma məruz qalıb

“Mtavari Arxi” nin çəkiliş qrupu xidməti vəzifələrini yerinə yetirərkən naməlum şəxslərin hücumuna məruz qalıb.

InterPress.ge xəbər verir ki, hadisə Lançxuti bələdiyyəsinin Supsa kəndində baş verib.

"Mtavari Arxi" telakanalının jurnalisti Lado Menabde “İnterpress News”a baş verənlərin təfərrüatlarını danışıb və bildirib ki, ona bir neçə nəfər hücum edib, bu zaman televiziyaya məxsus kamera zədələnib.

Onun sözlərinə görə, patrul polisinin əməkdaşları yerindəcə müsahibənin protokolunu tərtib ediblər, bundan sonra xüsusi istintaq xidməti işə cəlb olunub və Lado Menabde və operatoru Batumiyə dindirməyə çağırıb.

“Biz Supsa kəndinin mərkəzində dayanmışdıq ki, “Subaru” markalı avtomobilin sürücüsü bizi, konkret olaraq " Mtavari Arxi" kanalını söyməyə başladı. Biz ona məhəl qoymadıq, sonra konkret şəxsləri söyməyə başladı. Nə isə qışqırdı, reaksiya vermədik, sonra maşından düşdü, yanıma gəldi və məni vurdu.

Mən bu insanları ümumiyyətlə tanımıram. Mən onu itələməyə başlayanda daha 3-4 nəfər mənə fiziki təzyiq göstərərək üzümə vurdular. Sonra kameranı sındırdılar.

Operator 112-yə zəng etdi, mənə  ilkin təcili tibbi yardım lazım idi. Hadisədən yarım saat sonra mən özüm 112-yə zəng etdim, 5 dəqiqədən sonra polis gəldi, sonra tibb  yardım xidməti briqadası gəldi, mənə yerindəcə ilkin tibbi yardım göstərdilər.

Mənə dedilər ki, fiziki xəsarətlə əlaqədar xəstəxanaya aparmalıyıq, bundan imtina etdim.
Patrul polisinin əməkdaşları yerindəcə müsahibənin protokolunu tərtib etdilər, sonra mənə dedilər ki, bu iş Xüsusi İstintaq Xidmətinə götürüləcək və sadəcə olaraq tabeliyində olan protokolla kifayətlənəcəklər. Həmin vaxt mənə Xüsusi İstintaq Xidmətindən zəng gəldi və indi operatorla Batumiyə Xüsusi İstintaq Xidmətində dindirilməyə gedirik”, - “Mtavari Arxi" nin jurnalisti Lado Menabde bildirib.