Baş nazir Nika Meliyaya olunan hücuma münasibət bildirib 

Gürcüstan üçün seçkilərin dinc şəraitdə keçirilməsi prinsipial əhəmiyyət kəsb edir, ona görə də "Dəyişikliklər" Koalisiyasının liderlərindən biri Nika Meliyaya hücum qəbuledilməzdir.

InterPress.ge xəbər verir ki, bu barədə baş nazir İrakli Kobaxidze Nika Meliyaya olunan hücuma münasibət bildirərkən danışıb.

Jurnalistlərə açıqlama verən Kobaxidze hamını oxşar hərəkətlərdən çəkinməyə çağırıb. 

“Seçkilərin dinc şəraitdə keçirilməsi prinsipial olaraq vacibdir. Təbii ki, istənilən belə hadisə qəbuledilməzdir. Hər kəsi bu cür hərəkətlərdən çəkinməyə çağırıram. Gürcüstanda seçkilər dinc şəraitdə keçirilməlidir. Bu, xüsusilə də hakim güc üçün prinsipial əhəmiyyət kəsb edir”, - deyə baş nazir bildirib.