Yaşayış binasında baş verən yanğında 2 uşaq ölüb

Zuqdididə gecə saatlarında baş verən yanğında iki uşaq həlak olub.

InterPress.ge xəbər verir ki, yanğın Bukia küçəsində, yaşayış binasının 6-cı mərtəbəsində baş verib.

Yanğın nəticəsində 6 yaşlarında olan qardaşlar ölüb. Xilasedicilər evdə olan daha iki azyaşlını xilas edə biliblər. Onlar təcili yardım briqadası tərəfindən klinikaya aparılıb.

Hadisə yerinə polis və bir neçə yanğınsöndürmə briqadası səfərbər edilib. Yanğının digər mərtəbələrə keçməsi təhlükəsi olsa da, bir neçə saatlıq işdən sonra xilasedicilər yanğını söndürə biliblər.

Yanğının səbəbi hələlik məlum deyil. Daxili İşlər Nazirliyindən verilən məlumata görə, faktla bağlı Daxili İşlər Nazirliyi Məcəlləsinin 188-ci maddəsinin 3-cü hissəsi ilə cinayət işi başlanılıb.