Bu ilin birinci yarısında Gürcüstanda neçə nəfərin məhkum edildiyi açıqlanıb

Bu ilin birinci yarısında Gürcüstanda 9193 nəfər məhkum edilib.

InterPress.ge xəbər verir ki, bu barədə Gürcüstan Statistika Komitəsi məlumat yayıb.

Bildirilib ki, onlardan 2115 təqsirləndirilən şəxs cəzaçəkmə müəssisəsinə göndərilib. 4731 nəfər şərti cəza alıb, 1837 vətəndaş cərimələnib, 446 nəfər ictimai işlərə cəlb edilib.

Məhkum olunanların 8632 nəfəri kişi, 561 nəfəri qadındır. Bundan başqa, onlardan 236 nəfəri 14-17 yaş aralığındadır.