InterPress.ge xəbər verir ki, bu barədə Konstitusiya Məhkəməsinin mətbuat xidmətindən “Mtavari Arxi" telekanalına məlumat verilib.
Məlumata görə, hazırda son təşkilati işlər aparılır və yəqin ki, proses avqustun 29-30-da baş tutacaq.
Rus qanunu ilə bağlı Konstitusiya Məhkəməsində 4 iddia qaldırılıb. Qanunla bağlı prezident, qeyri-hökumət və media qurumları, eləcə də müxalifətdən olan deputatlar şikayət ediblər.
Xatırladırıq ki, beynəlxalq tərəfdaşların çağırışlarına və minlərlə şəxsin etirazına baxmayaraq, hakim partiya və onun Gürcüstan parlamentindəki peykləri mayın 28-də prezidentin vetosunu aşaraq qanunu üçüncü oxunuşda təsdiqləyib.
İddiaçılar qanunun ləğv edilməsini, o vaxta qədər isə məhkəmə prosesləri zamanı qanunun icrasının dayandırılmasını tələb edirlər.
