Gürcüstan gələn il Azərbaycan və Ermənistan sərhədlərinə yüksək sürətli yol çəkəcək

Gürcüstan Azərbaycan və Ermənistan sərhədlərinə yüksək sürətli yol çəkəcək.

InterPress.ge xəbər verir ki, bununla bağlı Gürcüstan Yollar Departamentindən bildirilib.

Məlumatda qeyd olunub ki, Şərq-Qərb avtomobil yolunun tərkibinə daxil olan yolların tikintisi ilə bağlı tender elan edilib.

Qeyd edək ki, söhbət Rustavi-Qırmızı körpü və Algeti-Sadaxlo yollardan gedir. 61,3 km uzunluğunda dördzolaqlı avtomobil yolunun tikintisinə 2025-ci ildə başlanacaq və işlərin başlanmasından 30 ay sonra mərhələlərlə başa çatdırılacaq.

Tikinti işləri 250 milyon avroya başa gələcək və Avropa İnvestisiya Bankı tərəfindən maliyyələşdiriləcək.