Avtomobil hündürlükdən düşüb, yaralılar var

Tuşetidə baş verən yol qəzası nəticəsində 3 nəfər ağır xəsarət alıb.

InterPress.ge-nin xəbərinə görə, Dartalo kəndi ərazisində hərəkətdə olan “Jeep” markalı avtomobilin sürücüsü sükanı idarə edə bilməyib, nəticədə avtomobil hündürlükdən düşüb.

Avtomobildə ikisi Qurcaani bələdiyyəsinin sakini olmaqla üç nəfər olub.

Xəsarət alanlar artıq ərazidən çıxarılıb, təcili tibbi yardım briqadası onları Telaviyə aparıb, orada müvafiq tibbi prosedurlar aparılır.