İrakli Kobaxidze: Oktyabrda tam 4 illik planımız ictimaiyyətə təqdim olunacaq

"Oktyabrın 1-də biz ölkənin inkişafının bütün istiqamətlərini özündə əks etdirən müfəssəl proqramı təqdim edəcəyik".

InterPress.gexəbər verir ki, bunu  jurnalistlərə Gürcüstanın baş naziri İrakli Kobaxidze bildirib.

Hökumət başçısının sözlərinə görə, hər bir bələdiyyə səviyyəsində konkret vədlər veriləcək ki, bu da hər bir bələdiyyənin inkişafına təsir göstərəcək.

"Oktyabr ayında hər bir bələdiyyə səviyyəsində gələcək planlar da daxil olmaqla, tam 4 illik planımız ictimaiyyətə təqdim olunacaq”, - deyə baş nazir bildirib.