Kobaxidze: Gürcüstanda QHT-lər xarici donorlardan aldıqları maliyyədən iki dəfə çox vəsait alacaqlar

Gürcüstanda qeyri-hökumət təşkilatları (QHT) dövlət büdcəsindən xarici donorlardan aldıqları maliyyədən bir-iki dəfə çox vəsait alacaqlar.

InterPress.ge xəbər verir ki, bu barədə Gürcüstanın Baş naziri İrakli Kobaxidze brifinqdə danışıb.

Hökumət ofisində keçirilən brifinqdə İ.Kobaxidze bildirib ki, Gürcüstan hökuməti “Xarici agentlər” reyestrində qeydiyyatdan keçmiş QHT-lər üçün qrant proqramı yaradacaq.

"Öz işini layiqincə yerinə yetirən və gürcü xalqının mənafeyinə xidmət edən qeyri-hökumət təşkilatları dövlət büdcəsindən xarici donorlardan aldıqları maliyyədən bir-iki dəfə çox vəsait alacaqlar”, - deyə Baş nazir vurğulayıb.