Prezident: “Rusiya təkcə Ukraynanın deyil, Gürcüstanın, Moldovanın və Avropanın qalan hissəsinin sərhədlərinə hörmət etməyi öyrənməlidir” 

“Rusiya təkcə Ukraynanın deyil, Gürcüstanın, Moldovanın və Avropanın qalan hissəsinin sərhədlərinə hörmət etməyi öyrənməlidir” 

InterPress.ge xəbər verir ki, bunu Gürcüstan prezidenti Salome Zurabişvili Krım Platformasının dördüncü sammitində çıxış edərkən bildirib.

"Ukraynanın tam ərazi bütövlüyünün bərpası sülh və sabitliyin təmin edilməsi üçün mühüm addımdır, çünki Rusiya sərhədlərə hörmət etməyi öyrənməlidir - təkcə Ukraynanın deyil, həm də Gürcüstanın, Moldovanın və Avropanın qalan hissəsinin. Çox uzun müddətdir ki, Moskva beynəlxalq normalara məhəl qoymur, sərhədləri zorla dəyişdirməyə və qonşularının suverenliyinə xələl gətirməyə çalışır. Artıq belə davranışlara yol vermək olmaz. 

Hamımızın gördüyümüz kimi, Qara dəniz regionunda sülh və sabitlik mühüm ticarət, enerji və kommunikasiya mərkəzi olduğu üçün bütün region və qitə üçün çox vacibdir. O, Avropanın və onun hüdudlarından kənarda təhlükəsizlik zəncirinin mühüm həlqəsidir və onun [Qara dənizin] sabitliyi bütün qitənin təhlükəsizliyi ilə birbaşa bağlıdır. Ona görə də Rusiyanın Qara dəniz regionunda Abxaziyanın işğalından Krımın ilhaqına qədər genişlənməsi və ya son addımları - işğal altındakı Abxaziyada hərbi dəniz bazasının açılması qəbul edilməməlidir".