Gürcüstanın xarici borcu 8,98 milyard dollaradək yüksəlib

2024-cü ilin avqust ayına olan məlumata görə, Gürcüstanın dövlət xarici borcu 8,98 milyard dollara çatıb ki, bu da ötən ilin eyni dövrü ilə müqayisədə 420 milyon dollar çoxdur.

InterPress.ge xəbər verir ki, sözügedən məlumat Maliyyə Nazirliyinin dərc etdiyi sənəddə öz əksini tapıb.

Sənədə əsasən, xarici borc lari ilə hər il 1,67 milyard lari artıb və hazırda 24,19 milyard lari təşkil edir. 

Gürcüstanın xarici borcunda birinci yeri Asiya İnkişaf Bankının krediti tutur ki, bu da ölkənin ən böyük infrastruktur layihələrinin inkişafı üçün götürdüyü kreditdir. İkinci yerdə Dünya Bankı Qrupu dayanır ki, onun da kreditləri əsasən infrastruktur layihələrinə sərf olunur. Üçüncü yerdə Avropa İnvestisiya Bankı qərarlaşıb.