Artıq Gürcüstana səfər edənlər üçün 15 sentyabrdan yeni qayda tədbiq olunur

"Sentyabrın 15-dən Gürcüstana qarşılıqlı əsaslarla daxil olan əcnəbilər PCR testinin cavabını təqdim etməli olacaqlar".

InterPress.ge xəbər verir ki, bu barədə Gürcüstanın Baş naziri Giorgi Qaxariya qeyd edib.

Baş nazirin sözlərinə görə, qərar Gürcüstan vətəndaşlarının və əcnəbilərin sağlamlığını sığortalamaq üçün verilib.

"15 sentyabrdan etibarən Gürcüstana daxil olan bütün əcnəbilərdən 72 saatlıq PCR testi tələb olunacaq. Bu, həmkarlarımızın və tərəfdaşlarımızın, vətəndaşlarımızın və qonaqların sağlamlığını da sığortalayır. Bu qərar qarşılıqlı əsasda heç bir məhdudiyyəti olmayan ölkələrə aiddir", - Baş nazir dedi.