Tbilisidə turist yeraltı keçidə düşərək dünyasını dəyişib

Tbilisidə Respublika meydanında rusiyalı turist yeraltı keçidə yıxılaraq dünyasını dəyişib.

InterPress.ge xəbər verir ki, bu barədə sosial şəbəkələrdə məlumat yayılır.

Məlumata əsasən, gənc qadın videonu çəkərkən keçidə düşüb. Sözügedən video sosial şəbəkədə də yayılıb.

Yayılan məlumata əsasən, gənc qadın xəstəxanaya çatdırılsa da, başından aldığı ağır zədə səbəbindən onu xilas etmək mümkün olmayıb.