Avtomobil hamilə qadını vurub

Martvili bələdiyyəsinin Salxino kəndində baş verən yol qəzası nəticəsində hamilə qadın xəsarət alıb.

InterPress.ge xəbər verir ki, sürətlə hərəkət edən avtomobil qadını vurub.

Qeyri-rəsmi məlumata görə, hadisə qadın yolu keçərkən baş verib.

Hadisə şahidləri hamilə qadının vəziyyətinin ağır olduğunu deyirlər.

Təcili tibbi yardım briqadası yaralını Kutaisi xəstəxanasına çatdırıb. Qadın 5 aylıq hamilədir.

Daxili İşlər Nazirliyindən verilən məlumata görə, faktla bağlı Cinayət Məcəlləsinin 276-cı maddəsi ilə araşdırma başlanılıb.