9 ayda Gürcüstana səfər edən beynəlxalq səyahətçilərin sayı açıqlandı

Yanvar-sentyabr aylarında Gürcüstana 5 794 661 beynəlxalq səyahətçi səfər edib ki, bu da 2023-cü ilin eyni dövrü ilə müqayisədə artım +4,1% təşkil edir.

InterPress.ge xəbər verir ki, Gürcüstanın Milli Turizm Administrasiyası 2024-cü ilin I-III rüblərinin statistik məlumatlarını dərc edib.

“2024-cü ilin 9 ayında Gürcüstana 3 milyon 992 min 842 beynəlxalq turist səfəri baş tutub, ötən ilin eyni dövrü ilə müqayisədə artım +9,2% təşkil edir.

Beynəlxalq səyahətçilərin və turistlərin artımı 2024-cü ilin üçüncü rübündə də qeydə alınıb.

İyul-sentyabr aylarında Gürcüstana 2 773 594 beynəlxalq səyahətçi səfər edib ki, bu da 2023-cü ilin eyni dövrü ilə müqayisədə artım + 2,5% təşkil edir.

İyul-sentyabr aylarında ölkədə 1 milyon 869 min 26 beynəlxalq turist səfəri həyata keçirilib ki, bu da ötən ilin müvafiq dövrü ilə müqayisədə 8,3% artım deməkdir”, - Milli Turizm Administrasiyasının yaydığı məlumatda qeyd olunur.