Lukoşenko: Gürcüstan MDB-yə qayıtsa, çox yaxşı olar

"Gürcüstan bizim ailəmizə, MDB-yə qayıtsa, çox yaxşı olar"

InterPress.ge xəbər verir ki, bu barədə Belarus prezidenti  Aleksandr Lukoşenko Moskvada keçirilən sammitdə bildirib.

O, “MDB ailəsi”ni bərpa etmək istədiyini bildirib və bu kontekstdə Gürcüstandan danışıb:

“Gürcüstan ailəmizə qayıtsa, Moldova tam iştirakını bərpa etsə və Ukrayna hökuməti özünə gəlsə, çox yaxşı olar və biz normal həyatın bərpasında iştirak etməli olarıq. Bunun baş verəcəyinə tam əminəm. Bu, sadəcə, zaman məsələsidir”, - Lukaşenko bildirib.

Qeyd edək ki, Gürcüstan 2008-ci il müharibəsindən sonra MDB-dən çıxmaq qərarına gəlib. 18 avqust 2009-cu ildə üzvlük rəsmi olaraq dayandırılıb.