Dimitri Peskov: Biz Gürcüstanın daxili işlərinə qarışmırıq

Biz Gürcüstanın daxili işlərinə qarışmırıq

InterPress.ge xəbər verir ki, bunu Kremlin mətbuat katibi Dimitri Peskov brifinqdə deyib.

“Seçkilərə gəlincə, bu, bizim işimiz deyil. Biz Qərb dövlətlərinin Gürcüstanın hazırkı hakimiyyətinə təzyiq göstərmək və seçki kampaniyasının gedişatına birbaşa təsir göstərmək cəhdlərini görürük. Biz Gürcüstanın daxili işlərinə qarışmırıq və bunu etmək niyyətində deyilik", - Peskov bildirib.

Kremlin mətbuat katibi qeyd edib ki, ikitərəfli münasibətlərdəki fəsadlar xalqlar arasında əlaqələrin inkişafına mane olmur.

“Gürcüstan bizim qonşumuzdur. Siz bizim ikitərəfli münasibətlərimizdəki bütün fəsadları bilirsiniz, bu, eyni zamanda, iki ölkənin cəmiyyətləri və xalqları arasında humanitar əlaqələrin inkişafına mane olmur. İnsanlar Gürcüstan və Rusiyaya səyahətlərini davam etdirirlər”, - Kremlin mətbuat katibi bildirib.