Gürcüstanda neçə nəfər yetkinlik yaşına çatmış insan qeydiyyatdadır?

2024-cü il yanvarın 1-nə  görə Gürcüstanda 3 milyon 694 min 608 vətəndaş qeydiyyatdadır. Bu vətəndaşların 1 774 469 nəfəri kişi, 1 920 139 nəfəri isə qadındır.

InterPress.ge xəbər verir ki, bu barədə Saxstat-ın parlament üzvü Givi Mikanadzenin sualına cavab olaraq göndərdiyi cavabda qeyd olunub.

Onu da qeyd edək ki, ölkədə yetkinlik yaşına çatmış vətəndaşların sayı 2 milyon 813 min 15 nəfərdir. Ölkə üzrə qeydiyyatda olan yetkinlik yaşına çatmış vətəndaşların 1 315 068 nəfəri kişi, 1 497 947 nəfəri isə qadınlardır.

Yetkinlik yaşına çatmayanların sayına gəlincə, eyni məlumatlara əsasən, 881 593 nəfərdir ki, onlardan 459 401 nəfəri oğlan, 422 192 nəfəri qızdır.