Aleksey Puşkov: Qərbin Gürcüstanda müxalifətin dəstəyi ilə rejimi dəyişmək planı iflasa uğradı

"Qərbin Gürcüstanda müxalifətin dəstəyi ilə rejimi dəyişmək planı iflasa uğradı"

InterPress.ge xəbər verir ki, bu barədə Rusiya Federasiya Şurasının İnformasiya Siyasəti Komissiyasının rəhbəri Aleksey Puşkov bildirib.

“Ola bilsin ki, Gürcüstanda hələ də xaos olacaq, amma görünən odur ki, Qərbin Gürcüstanda müxalifətin dəstəyi ilə rejimi dəyişmək planı sadə dillə desək, iflasa uğrayıb. “Gürcü arzusu” səslərin 54%-dən çoxunu, yəni mütləq çoxluğu toplayaraq qalib gəlib. Qərbin planı Gürcüstanı özünün yarımmüstəmləkəsinə çevirmək, Avropa xalqlarının çox cinsli ailəsinə qoşulacağını vəd etmək idi. Lakin nədənsə bu, gürcü seçicilərinin əksəriyyətini cəlb etmədi”, - Puşkov bildirib.

Onun sözlərinə görə, Gürcüstan prezidenti Salome Zurabişvili həmvətənlərini Avropa dəyərlərinin cazibəsinə inandıra bilməyib.

“İndi isə “Gürcü arzusu”na yenidən qələbə gətirən seçkilərdən sonra sual yaranır ki, Zurabişvilinin özü də prezident kimi gürcü xalqının əhval-ruhiyyəsinə nə dərəcədə uyğundur?!”, - Puşkov qeyd edib.