Metyu Miller: "Gürcüstanda səslərin satın alınması və seçicilərin təhdid edilməsi kimi pozuntular qeyri-bərabər oyun meydanına səbəb olub"

"Gürcüstanda keçirilən seçkilər zamanı səslərin satın alınması və seçicilərin təhdid edilməsi kimi pozuntular qeyri-bərabər oyun meydanına səbəb olub və ədalətli nəticəyə ictimai və beynəlxalq inamı sarsıdıb".

InterPress.ge xəbər verir ki, bu barədə ABŞ Dövlət Departamentindən bildirilib.

Departamentin sözçüsü Metyu Miller deyib: "Biz beynəlxalq və yerli müşahidəçilərin seçkilərdə pozuntularla bağlı bütün hesabatları tam araşdırmaq və fundamental ifadə azadlıqlarına və dinc toplaşmaq hüququna hörmət etmək çağırışlarına qoşuluruq".