Aİ-nin ali nümayəndəsi: "Müşahidəçilər bu seçkilərin azad və ədalətli keçirildiyini bildirmədilər"
“Müşahidəçilər bu seçkilərin azad və ədalətli keçirildiyini deməyiblər... Seçkilərdə müşahidə edilən pozuntuların araşdırılması ilə bağlı inkişaf edəcək hadisələri diqqətlə izləmək vacibdir”.
InterPress.ge xəbər verir ki, Aİ-nin ali nümayəndəsi/Avropa Komissiyasının vitse-prezidenti Cozef Borrell bu barədə Brüsseldə açıqlama verib.
O, Avropa komissarı Oliver Varhey ilə birgə genişlənməyə dair hesabat təqdim edəcək.
"Rusiya ilə yaxın münasibət qura və eyni zamanda Avropa İttifaqına daxil ola bilməzsiniz. Biri digəri ilə bir araya sığmır. Gürcüstanda ciddi qanun pozuntuları ilə yadda qalan parlament seçkiləri keçirilib, bu, şəffaf və ədalətli şəkildə araşdırılmalıdır. Qeyd edək ki, müstəqil müşahidəçilər bu seçkilərin azad və ədalətli keçirildiyini bəyan etməyiblər. Bu, Gürcüstan hökumətinin Avropa İttifaqından, onun dəyərlərindən və prinsiplərindən uzaqlaşdığı son aylarda müşahidə etdiyimiz tendensiyanı davam etdirir.
Əgər Gürcüstan hakimiyyəti Avrointeqrasiya yoluna qayıtmağa hazırdırsa, biz onlara konkret yol xəritəsi təklif edirik: vətəndaş cəmiyyətinə və mediaya zərər vuran xarici agentlər haqqında qanunu ləğv edin. Ailə dəyərləri ilə bağlı qanunu ləğv edin, çünki ayrı-seçkilik bizim dəyərimiz deyil. Bunlar atılmalı olan ilk addımlardır və seçkilərdə müşahidə edilən pozuntuların araşdırılması ilə bağlı yaxın günlərdə inkişaf edəcək hadisələri diqqətlə izləmək vacibdir”, - Borrell bildirib.
