Salome Zurabişvili Almaniya prezidenti ilə telefonla danışıb

Salome Zurabişvili ilə Almaniya Federativ Respublikasının Prezidenti Frank-Valter Ştaynmayer arasında telefon danışığı olub.

InterPress.ge xəbər verir ki, məlumatı Prezident Administrasiyası yayıb.

Eyni zamanda Almaniya prezidentinin mətbuat katibi X-də söhbətin təfərrüatları barədə yazıb: "Prezident Ştaynmayer Gürcüstan prezidenti ilə telefonla danışıb. O, Gürcüstandakı vəziyyətdən narahatlığını bildirib və onu şəffaf və tam araşdırma aparmağa çağırıb. O, ən son sentyabrın 30-da Salome Zurabişvilini qəbul edib".