20 
Fev
2020
14:01
986

Prezident Facebook-da yazılan statusa görə, Mərkəzi Afrika Respublikasına səfərini ləğv etdi

Gürcüstan Prezidenti Salome Zurabişvili, Facebook-da Gürcüstanın Avropa Şurasındakı keçmiş səfiri Mamuki Jgenti-nin Facebook-da yazdığı statusa görə, Mərkəzi Afrika Respublikasına səfərini ləğv edib.

InterPress.ge xəbər verir ki, bu haqda prezidentin rəsmi saytında yazılıb.

Çərşənbə günü, Jgenti kinayəli bir şəkildə yazdı ki, Gürcüstan prezidentinin martın ortalarında böyük bir nümayəndə heyəti ilə 10 günlük Mərkəzi Afrika Respublikasına səfəri planlaşdırılır.

“Gürcüstan Prezidenti və onun heyətinin Mərkəzi Afrika Respublikasına səfəri haqqında məlumat gizlidir və onun əvvəlcədən yayımlanması ciddi şəkildə qadağan olunur. Gürcüstanın Avropa Şurasındakı keçmiş səfirinin bunu utanmaz şəkildə yayımlaması xüsusən heyrətli və düşündürücüdür. O, çox yaxşı bilir ki, gizli məlumatın əhəmiyyəti və ona yanaşma qaydaları nədir”" - bəyanatda deyilir.

Bəyanatda qeyd olunur ki, verilən açıqlamaya görə, Gürcüstan prezidenti və Müdafiə Nazirliyi gürcü sülhməramlılarının olduğu yerə səfərlərini ləğv etmək məcburiyyətində qalıblar.

Gürcüstan hərbi qüvvələri 2014-cü il iyulun ortalarından etibarən Aİ-nin Mərkəzi Afrika Respublikasında sülhməramlı missiyalarında iştirak edir. 2014-cü ilin fevral ayında başlanan EUFOR RCA missiyasına Gürcüstandan 156 əsgər cəlb edilib.

Bizimlə əlaqə saxlayın



Digər xəbərlər