Üç nazir postuna yeni namizədlər irəli sürüldü

Yeni hökumətdə xarici işlər, ədliyyə və ətraf mühitin mühafizəsi və kənd təsərrüfatı nazirləri dəyişdiriləcək.

InterPress.ge xəbər verir ki, bu barədə baş nazir İrakli Kobaxidze bildirib.

 Kobaxidzenin verdiyi məlumata görə, o, xarici işlər naziri postuna çoxluğun deputatı Maka Boçorişvilinin namizədliyini təqdim edəcək.

Ədliyyə naziri vəzifəsinə gəlincə, yeni Nazirlər Kabinetində bu vəzifəyə parlament çoxluğunun liderlərindən olan Anri Oxanaşvilinin namizədliyi irəli sürüləcək.

Ətraf mühitin mühafizəsi və kənd təsərrüfatı naziri vəzifəsinə baş nazir çoxluğun digər üzvü Davit Sonqulaşvilinin namizədliyini irəli sürüb.