Dekabrın 2-də mitinqdə xəsarət alanların sayı açıqlandı

Dekabrın 2-də Tbilisidə keçirilən etiraz aksiyasından Təcili Yardım Koordinasiya və Təcili Yardım Mərkəzinin qrupları 26 nəfəri tibb müəssisələrinə aparıb, onlardan 23-ü aksiyanın iştirakçısı, 3-ü isə Daxili İşlər nazirliyinin nümayəndəsidir.

InterPress.ge xəbər verir ki, bu barədə Səhiyyə Nazirliyi məlumat yayıb.

Nazirliyin məlumatına görə, xəsarət alanların bir qismi hələ də həkim nəzarəti altında klinikalardadır, bəziləri isə artıq tibb müəssisələrini tərk edib.

“Yaralılardan heç birinin həyatı təhlükə altında deyil.
Bundan əlavə, ehtiyacı olan bütün vətəndaşlara tibbi yardım göstərilib. Onların arasında xəstəxanaya yerləşdirilməyə ehtiyacı olmayan aksiya iştirakçıları, media və hüquq-mühafizə orqanlarının nümayəndələri də var.

Sözügedən məlumatlara yalnız Fövqəladə Halların Koordinasiyası və Təcili Yardım Mərkəzi tərəfindən xəstəxanaya yerləşdirilən insanların sayı daxildir”, - məlumatda deyilir.