Elvin Kərimov aksiyada saxlanılıb - "Polislər onu tatari-tatari deyə-deyə döyüblər"

Ötən gecə Tbilisidə baş tutan aksiyada "Fəallar Gələcək Naminə" hərəkatının üzvü Elvin Kərimov saxlanılıb.

InterPress.ge xəbər verir ki, vəkil Kamran Amcanoğlu təcridxanada Elvin Kərimovla görüşüb və onun ağır şəkildə döyüldüyünü bildirib.

"Elvin söylədi ki, maskalı şəxs onu amansızca döyüb. Aksiyada saxlanılan şəxslərin döyülməsi təəssüf ki, artıq adi hal alıb, amma milliyətcə azərbaycanlı olduğumuza görə, Elvinə deyirlərmiş ki, get sən haqqını Azərbaycanda tələb elə, burda nə gəzirsən? Tatari-tatari deyə-deyə onu döyüblər" , - vəkil deyib.

Elvin Kərimovun məhkəməsi 5 dekabr tarixində baş tutacaq.