Polisə hücum edən aksiya iştirakçısı saxlanılıb

Daxili İşlər Nazirliyi bir nəfəri polisə hücum etməkdə ittiham edərək həbs edib.

InterPress.ge xəbər verir ki, bıçaqla silahlanmış şəxs noyabrın 30-da Rustaveli prospektində mitinq zamanı Daxili İşlər Nazirliyinin əməkdaşına sağlamlığına xəsarət yetirmək məqsədilə hücum edib.

Qurumun məlumatına görə, cinayət 7 ilə qədər azadlıqdan məhrumetmə ilə cəzalandırılır.

“Daxili İşlər Nazirliyinin Tbilisi Polis İdarəsinin əməkdaşları həyata keçirdikləri əməliyyat tədbirləri və istintaq hərəkətləri nəticəsində bir nəfəri - 2006-cı il təvəllüdlü S.C.-ni polisə hücum etməkdə təqsirli bilərək saxlayıblar.

İstintaq müəyyən edib ki, üzərində bıçaqla silahlanmış təqsirləndirilən şəxs cari ilin noyabrın 30-da Rustaveli prospektində keçirilən aksiya zamanı Daxili İşlər Nazirliyinin əməkdaşına sağlamlığına xəsarət yetirmək məqsədilə hücum edib.

Həyata keçirilmiş istintaq-əməliyyat tədbirləri nəticəsində hüquq-mühafizə orqanlarının əməkdaşları S.C.-nı Tbilisidə saxlayıblar.

Faktla bağlı Cinayət Məcəlləsinin 353-cü maddəsinin 1-ci hissəsi ilə araşdırma aparılır.

Daxili İşlər Nazirliyində həyata keçirilən tədbirlər çərçivəsində zorakılıq törədən qruplar tərəfindən törədilmiş bütün cinayət əməlləri Cinayət Məcəlləsinin 187-ci və 353-cü maddələri ilə istintaqa cəlb olunub, hazırda 7 nəfər tutulub.

Həmçinin Cinayət Məcəlləsinin qrup zorakılığını təşkil etmə, ona rəhbərlik etmə və ya bu zorakılıqda iştirak etmə, zorakılıq hərəkətlərinə açıq çağırış kimi 225 və 239-cu maddələri ilə 7 nəfər həbs edilib. Partlayış hazırlamaq ittihamı ilə 1 nəfər  saxlanılıb”, - məlumatda deyilir.