Gürcüstan parlamentinin sədri Şalva Papuaşvili “Azərbaycan Hava Yolları”nın sərnişin təyyarəsinin qəzaya uğraması ilə bağlı kədərini bildirib.
InterPress.ge xəbər verir ki, bu barədə Papuaşvili sosial şəbəkədə yazıb.
“Azərbaycan Hava Yolları” QSC-nin təyyarəsinin qəzaya uğraması nəticəsində həlak olanların ailələrinə və yaxınlarına böyük hüznlə başsağlığı verirəm. Bütün Azərbaycan xalqına dərin hüznlə başsağlığımı bildirirəm. Kədərinizə şərikik və bütün xəsarət alanlara tezliklə şəfa diləyirik”, - Şalva Papuaşvili yazıb.
Qazaxıstanın Aktau hava limanı yaxınlığında "Azərbaycan Hava Yolları"na məxsus sərnişin təyyarəsi qəzaya uğrayıb. Son məlumatlara görə, 67 sərnişindən 32-si təyyarə qəzasında sağ qalıb. Yaralılardan bəzilərinin vəziyyəti ağırdır. Onlar reanimasiya şöbəsindədirlər.
