Parlament qarşısında etiraz aksiyası davam edir

Parlamentin qarşısında etiraz aksiyası yenidən başlayıb. 

InterPress.ge xəbər verir ki, qanunverici orqanın qarşısına toplaşan etirazçılar Rustaveli prospektini bağlayıblar. 

Onlara bir qədər əvvəl Filarmoniyadan yürüşlə gələn "Dostluq Marşı"nın iştirakçıları da qoşulub. Aksiyada olanlar onları alqışlarla, şüarlarla və yandırılmış telefon işıqları ilə qarşılayıblar.

Etirazçılar "Gürcüstan", "Bizim dostluq vətənimizə eşq olsun" şüarlarını səsləndiriblər. Gürcüstan himni də ifa edilib.

Aksiya iştirakçıları özləri ilə Gürcüstan, Avropa İttifaqı və ABŞ bayraqları gətiriblər.

Əraziyə polis qüvvələri cəlb olunub.