“Gürcü kabusu” Gürcüstanı Rusiya orbitinə yaxınlaşdırır- Riçards Kolss

"Bəli, Avropada bəzi şeylər daha yavaş irəliləyir, amma [nəticədə] irəliləyir. Şübhə etməyin, heç kim düşünmür ki, bu hadisə sadəcə keçib gedəcək və hər şey öz-özünə bitəcək."

InterPress.ge xəbər verir ki, bu fikirləri Avropa Parlamentinin üzvü, Riçards Kolss "Amerikanın səsi" ilə müsahibəsində bildirib.

"Situasiya həqiqətən də pisləşir, xüsusən də demokratiya və insan hüquqları məsələsi ilə əlaqədar. Etirazlar bütün Gürcüstanda davam edir. Görürük ki, hakimiyyət rejimi etirazçılara qarşı fiziki qüvvə tətbiqini gücləndirir. "Gürcüstanın kabusu" ölkəni Rusiyanın orbitinə yaxınlaşdırır, onun təsir dairəsinə daxil edir. Bu, bizi narahat edir, çünki biz Gürcüstanın Avroatlantik kursunu dəstəkləyirik.

Gördük ki, hakim rejim Avropa İttifaqı ilə inteqrasiya prosesini 2028-ci ilə qədər dayandırıb. Mən deyərdim ki, bu, müəyyən olunmamış bir müddətədir. Bəli, biz buna cavab verəcəyik. Avropa Parlamenti, sülhsevər etirazçılara qarşı güc tətbiq edən hüquq-mühafizə orqanlarının rəhbərlərinə qarşı daha sərt sanksiyaların tətbiqini tələb edir.

Görürük ki, Amerika "Gürcüstanın kabusu"nun liderlərinə qarşı sanksiyaların tətbiqində öncüllük edir. Bizi də çox narahat edən bir məsələ də odur ki, Bidzina İvanişviliyə maliyyə sanksiyaları tətbiq edilib... "Gürcüstanın kabusu" - bu termini istifadə edirəm, çünki ABŞ Konqresində bu rejimə qarşı sanksiyalar və məhdudiyyətlər tətbiq etməyi nəzərdə tutan qanunvericilik təklif edilib və bu rejim "Gürcüstanın kabusu" olaraq adlandırılıb, əvvəlki adı ilə müqayisədə.

Bəli, Avropada bəzi şeylər daha yavaş irəliləyir, amma [nəticədə] irəliləyir. Şübhə etməyin, heç kim düşünmür ki, bu hadisə sadəcə keçib gedəcək və hər şey öz-özünə bitəcək, sonra isə biz bu məsələyə daxil olacağıq, bəli, çətin dövrdür. O məktub da ki, hazırkı və keçmiş siyasətçilər tərəfindən imzalanıb. Bu açıq bir bəyanatdır ki, biz Gürcüstan xalqının ümidini qırmayacağıq"- Kolss bildirib.