Tbilisidə "polis rejiminə qarşı" etiraz yürüşü keçirilir

Tbilisidə "Polis rejiminə qarşı yürüş" adlı etiraz aksiyası keçirilir.

InterPress.ge xəbər verir ki, aksiya iştirakçıları noyabr-dekabr aylarında keçirilmiş aksiyalarda həbs olunanların azadlığa buraxılmasını tələb edirlər. 

Yürüş "Didube" metrostansiyasından başlayıb və Cereteli küçəsində yerləşən polis idarəsinin qarşısında başa çatacaq. Yürüş iştirakçıları "ədalətsiz məhkəmə", "xalqın gücündən qorxun", "xalq üçün həbs olunanları azad edin" kimi şüarlarla plakatlar daşıyırlar.

Eyni zamanda, “Azadlıq rejimin əsirlərinə”, “Xalq üçün həbs olunanları azad edin”, “Oliqarxiyaya atəş açın” kimi şüarlar da eşidilir.