Bizimlə əlaqəHaqqımızda—
Ən son:
TVCANLI

Azərbaycanlı jurnalistin ekstradisiya üzrə həbsi 3 ay müddətinə uzadılıb

303
Azərbaycanlı jurnalistin ekstradisiya üzrə həbsi 3 ay müddətinə uzadılıb
Dinləmək üçün basın

Azərbaycanlı jurnalist Əfqan Sadıqovun ekstradisiyası ilə bağlı həbs müddəti daha 3 ay, mayın 3-dək uzadılıb.

Azərbaycanlı jurnalist Əfqan Sadıqovun ekstradisiyası ilə bağlı həbs müddəti daha 3 ay, mayın 3-dək uzadılıb.

InterPress.ge xəbər verir ki, bu qərarı Tbilisi Şəhər Məhkəməsinin hakimi Lela Maridaşvili qəbul edib. 

Məhkəmədə prokurorluq Sadıqovun ekstradisiya ilə bağlı saxlanma müddətinin daha 3 ay uzadılmasını tələb edib. Dövlət ittihamçısı Nana Zazunaşvili bildirib ki, prokurorluq Sadıqovun həbsdə qalmasını məqsədəuyğun sayır və hazırda müvafiq şəraitin araşdırıldığı qeyd edilib. Zazunaşvilinin sözlərinə görə, ədalət naziri ekstradisiya barədə qərar verəcək və bu qərarın 4 martdan əvvəl icra olunması mümkün deyil. Həmçinin, prokuror bildirib ki, beynəlxalq sığınacaqla bağlı aparılan idarəetmə işi başa çatıb və Sadıqovun sığınacaq statusu rədd edilib, o, sığınacaq axtaran şəxs kimi qəbul edilmir.

Prokuror qeyd edib ki, Sadıqovun həbsdə qalması xaricində başqa yüngül təqib tədbirləri məqsədinə xidmət etməzdi və onun qaçma riski artır. 

Müdafiə tərəfi, vəkil Keti Çutlaşvili isə, prokurorun müraciətinin əsassız olduğunu və heç bir sübutun təqdim edilmədiyini vurğulayıb. O, müvəkkilinin həbs müddətinin daha yüngül tədbir, məsələn, 10,000 lari dəyərində girovla dəyişdirilməsini tələb edib.

Xatırladaq ki, azərbaycanlı jurnalist Əfqan Sadıqov bu ilin 3 avqustunda Gürcüstanda saxlanılıb. Onun haqqında Tbilisi Şəhər Məhkəməsi tərəfindən daha 3 aylıq ekstradisiyon həbs qərarı verilib. Əfqan Sadıqov Azərbaycanda davam edən cinayət işinə əsasən, iki fırıldaqçılıq hadisəsi ilə ittiham olunur. O, 12 sentyabr tarixindən etibarən aclıq aksiyasına başlayıb və bunun səbəbi Miqrasiya İdarəsinin ona sığınacaq verməkdən imtina etməsidir.

Xəbəri qiymətləndir
Məqalənin müəllifiAysel İsmayılova

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →