Parlament qarşısında aksiya iştirakçıları yolu bağladı - Etiraz davam edir

Rustaveli prospektində davam edən etiraz aksiyasına Tbilisinin müxtəlif nöqtələrindən "Vicdan məhbuslarına azadlıq" yürüşü qoşulub.

InterPress.ge xəbər verir ki, aksiya iştirakçıları müxtəlif şüarlar yazılmış plakatlar gətiriblər.

Nümayişçilər "Mziyaya azadlıq, siyasi məhbuslara azadlıq", "Hər yerdə polis, heç yerdə ədalət" şüarları səsləndirirlər.

Fasiləsiz etiraz aksiyasının 65-ci günündə vətəndaşlar qanunverici orqan qarşısında iki əsas tələblə toplaşıblar – yeni seçkilərin təyin olunması və aksiyalar zamanı saxlanılan şəxslərin azadlığa buraxılması.