Tbilisidə etiraz aksiyası yenidən başlayıb

Rustaveli prospektində etiraz aksiyası 68-ci gündə yenidən davam edir.

InterPress.ge xəbər verir ki, parlamentin qarşısına toplaşan etirazçılar prospekti bağlayıblar.

Onların tələbləri dəyişməz qalır – növbədənkənar seçkilərin təyin edilməsi və aksiyada saxlanılan şəxslərin azadlığa buraxılması.

Etirazçılar "Oliqarxiyaya od vurun! Rejim məhbuslarına azadlıq!" şüarları səsləndirirlər. Aksiya iştirakçıları müxtəlif şüarlar yazılmış plakatlar, həmçinin Gürcüstan və Aİ bayraqları ilə çıxış edirlər. Əraziyə polis qüvvələri səfərbər edilib.

Paytaxtla yanaşı, Gürcüstanın bir neçə şəhərində də etiraz aksiyaları keçirilir.