Tbilisidə aksiya zamanı saxlanılanlara cərimə tətbiq olundu

Fevralın 2-də Tbilisidə, "Tbilisi Mall" yaxınlığında keçirilən etiraz aksiyası zamanı inzibati qaydada saxlanılan şəxslərin bir hissəsinə məhkəmə tərəfindən cərimə tətbiq edilib.

InterPress.ge məlumat verir ki, məhkəmənin qərarına əsasən aşağıdakı şəxslər cərimələnib:

• Badrı Qriqalaşvili – 2400 lari
• Mamuka Diasamidze – 2000 lari
• Luka Tetriadze – 2500 lari
• Serqi Giqani – 2500 lari
• Luka Sarışvili – 2400 lari
• David Beritaşvili – 2200 lari
• İrakli Geşağurze – 2300 lari
• Sandro Çapidze – 2300 lari

Digər saxlanılanlardan Konstantine Koberidze günahsız hesab edilərək məhkəmə zalından azad edilib. David Kakaşvili isə yalnız sözlü xəbərdarlıq alıb.

Mamia Komaxianın məhkəmə prosesi fevralın 12-nə qədər təxirə salınıb, o, məhkəmə zalından azad edilib. Milli Bankın keçmiş prezidenti Giorgi Kadaxidzenin işi üzrə növbəti məhkəmə iclası isə fevralın 7-də keçiriləcək.