Rustaveli prospektində etirazçılar yolu bağlayıblar

Rustaveli prospektində etirazçılar avtomobil yolunu bağlayıblar.

InterPress.ge xəbər verir ki, etirazların 70-ci günündə də aksiyaçılar parlament qarşısına eyni tələblərlə toplaşıblar – yeni seçkilərin təyin olunması və aksiyalar zamanı saxlanılan şəxslərin azadlığa buraxılması.

Qeyd edək ki, vətəndaşların etirazları baş nazir İrakli Kobaxidzenin 28 noyabr bəyanatından sonra başlayıb. O, Gürcüstanın Avropa İttifaqına üzvlük danışıqlarını 2028-ci ilə qədər təxirə saldığını açıqlamışdı.