Qatarın vurduğu qadın hadisə yerində həyatını itirib

Batuminin Maxinjaur qəsəbəsində qatarın vurması nəticəsində orta yaşlı qadın həyatını itirib.

InterPress.ge xəbər verir ki, hadisə bu gün baş verib.

İlkin məlumata görə, qadın qatar yolunun yaxınlığında şəkil çəkdirərkən ona qatar çırpılıb.

Hadisə yerinə Gürcüstan Daxili İşlər Nazirliyinin əməkdaşları və təcili tibbi yardım briqadası cəlb edilib, lakin qadının həyatını xilas etmək mümkün olmayıb.

Gürcüstan DİN-in məlumatına görə, faktla bağlı istintaq Gürcüstan Cinayət Məcəlləsinin 275-ci maddəsi üzrə aparılır. Bu maddə dəmir yolu nəqliyyatında təhlükəsizlik qaydalarının və ya istismar qaydalarının pozulmasını nəzərdə tutur.

Hazırda hüquq-mühafizə orqanları hadisənin təfərrüatlarını araşdırır.