Donald Trump Rusiyaya qarşı sanksiyaları daha bir il uzadıb

ABŞ prezidenti Donald Trump, Rusiyaya qarşı tətbiq edilən sanksiyaların müddətini daha bir il uzadıb.

InterPress.ge xəbər verir ki, bu barədə ABŞ Federal Reyestrində dərc olunan rəsmi sənəddə qeyd olunur.

Sənəddə bildirilir ki, uzadılan sanksiyalar 2014-cü ildə qəbul edilmiş dörd fərqli sanksiya paketi (prezidentin icra sərəncamları), 2018-ci ildə qəbul edilmiş bir və 2022-ci ildə qəbul edilmiş bir sanksiya paketini əhatə edir.

Bundan əlavə, Ukraynadakı vəziyyətlə bağlı elan olunmuş fövqəladə vəziyyətin hələ də qüvvədə olduğu vurğulanır. Bu rejim ABŞ-ın keçmiş prezidentlərinə 2014, 2018 və 2022-ci illərdə icra sərəncamları vasitəsilə Rusiyaya qarşı sanksiyalar tətbiq etmək hüququ verirdi.