Bizimlə əlaqəHaqqımızda—
Ən son:
TVCANLI

Kaladze: “ODIHR-in tövsiyələrinə ehtiyatla yanaşırıq”

266
Kaladze: “ODIHR-in tövsiyələrinə ehtiyatla yanaşırıq”
Dinləmək üçün basın

“Gürcü Arzusu” Partiyasının baş katibi Kaxa Kaladze ATƏT-in İnsan Hüquqları Bürosu (ODIHR) tərəfindən “Xarici agentlərin qeydiyyatı haqqında” qanun layihəsi ilə bağlı yayılan bəyanata münasibət bildirib.

“Gürcü Arzusu” Partiyasının baş katibi Kaxa Kaladze ATƏT-in İnsan Hüquqları Bürosu (ODIHR) tərəfindən “Xarici agentlərin qeydiyyatı haqqında” qanun layihəsi ilə bağlı yayılan bəyanata münasibət bildirib.

InterPress.ge xəbər verir ki, Kaladze qeyd edib ki, ODIHR-in tövsiyələrinə ehtiyatla yanaşırlar:

“Biz [ODIHR-in tövsiyələrini] diqqətlə nəzərə alırıq. Necə deyirlər – ehtiyatlı olmaq lazımdır, biz də ehtiyatla yanaşırıq,” – deyə Kaladze bildirib.

Onun sözlərinə görə, ABŞ-da qüvvədə olan “FARA” qanununun gürcü versiyasının qəbul edilməsi Gürcüstanın milli maraqları baxımından əhəmiyyətlidir:

“Siz nə vaxtdan bu təşkilatı – ODIHR-i tanımağa başladınız? Özünüz deyirdiniz ki, ODIHR kimdir ki?! Onların seçkilərlə bağlı fikirlərinin heç bir əhəmiyyəti yoxdur. Əgər yalan deyirəmsə, arxivə baxın – radikal siyasətçilərinizin ODIHR haqqında dedikləri ortadadır.

Əlbəttə ki, biz onların çağırışlarını nəzərə alırıq, lakin bunu ehtiyatla edirik. ABŞ-da necə olubsa, burada da eyni yanaşma olacaq. Bütün agenturalar, dövlətə xəyanət edən strukturlar ölkə üçün böyük təhlükə yaradır.

“FARA”nın gürcü versiyası vacibdir ki, ölkənin maraqları qorunsun, xarici təsirlərlə buraya maliyyə daxil olmasın, cəmiyyət parçalanmasın, qarşıdurmalar və inqilab cəhdləri baş verməsin.

Bu hər şey bitəcək, əziz dostlar. Keçmişdə baş verənlər artıq təkrarlanmayacaq!”-Kaladze bildirib.

Məlumat üçün bildirək ki, ATƏT-in ODIHR ofisi Gürcüstanda qəbul olunmuş “Xarici agentlərin qeydiyyatı haqqında” qanunla bağlı narahatlıq ifadə edən bəyanat yayıb. Bəyanatda deyilir ki, bu qanun xarici maliyyə alan şəxsləri və təşkilatları “xarici ölkənin maraqlarına xidmət edən” kimi qiymətləndirir və onların “xarici agent” kimi qeydiyyatını tələb edir. Əks təqdirdə cəza tədbirləri nəzərdə tutulur.

ODIHR bildirir ki, bu cür qanunların başqa ölkələrdən gətirilməsi həmişə ehtiyatla dəyərləndirilməlidir və həmin ölkənin hüquqi və institusional konteksti nəzərə alınmalıdır. Qurum Gürcüstan hakimiyyətinə çağırış edərək, qanun layihəsinin həyata keçirilməsinə yenidən baxılmasını və onun diqqətlə qiymətləndirilməsini tövsiyə edib.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →