İlk üç ayda Gürcüstanın xarici ticarət dövriyyəsi artıb

2025-ci ilin yanvar-mart aylarında ölkənin xarici ticarət dövriyyəsi (bəyannaməsiz ticarət istisna olmaqla) 5 milyard 619.1 milyon ABŞ dolları təşkil edib ki, bu da ötən ilin eyni dövrü ilə müqayisədə 16.2% çoxdur.

InterPress.ge xəbər verir ki, bu barədə Gürcüstanın Milli Statistika Xidməti məlumat yayıb.

“Sakstat”ın yaydığı məlumata əsasən, ümumi ticarət dövriyyəsində ixracın həcmi 1 milyard 401.2 milyon ABŞ dolları olub (artım 5.7%), idxalın həcmi isə 4 milyard 217.9 milyon ABŞ dolları təşkil edib (artım 20.1%).

2025-ci ilin yanvar-mart aylarında mənfi ticarət saldosu 2 milyard 816.7 milyon ABŞ dolları olub ki, bu da ümumi ticarət dövriyyəsinin 50.1%-ni təşkil edir.