Baş verən yol qəzası nəticəsində iki nəfər həyatını itirdi

Qori Bələdiyyəsinin Şavşva kəndi yaxınlığında baş vermiş ağır yol-nəqliyyat hadisəsi nəticəsində avtomobildə olan iki nəfər həyatını itirib.

Mövcud məlumata görə, avtomobil metal arakəsməyə çırpılıb və nəticədə yanğın baş verib.

Gürcüstan Daxili İşlər Nazirliyinin verdiyi məlumata görə, hadisə ilə bağlı istintaq Gürcüstan Cinayət Məcəlləsinin 276-cı maddəsinin 8-ci hissəsi ilə aparılır. Bu maddə nəqliyyatın hərəkət təhlükəsizliyi və ya istismarı qaydalarının pozulması nəticəsində iki və ya daha çox şəxsin ölümünə səbəb olan halları nəzərdə tutur.